الزمالك واحدة من أرقى المناطق السكنية في القاهرة! رغم أن كلمة زمالك معناها أصلًا ” العشش المصنوعة من الكوخ أو البوص” طيب ازاي كده؟
في 1830 محمد على باشا بنى قصر كبير مخصص للنزهات والاسترخاء في شمال جزيرة الزمالك وحوالين القصر بنى عشش وأكواخ خشبية للحاشية علشان يقعدوا فيها ومن هنا اتسمت الجزيرة الزمالك؛ لأن الزمالك كلمة أصلها ألباني معناها العشش المصنوعة من الخشب أو البوص. وفي أقوال تانية بتقول أن سر التسمية بيرجع إلى زهرة الزمالك اللي كانت بتنمو بكثرة على الجزيرة.
حي الزمالك معروف من أوائل القرن العشرين أنه مقر سكن الأغنياء في مصر بداية من البشاوات والسياسين والفنانين وكبار العائلات في مصر وده بيرجع لسببين رئيسين: موقع الجزيرة المميز على النيل وقربها من أهم المناطق في القاهرة زي: المهندسين والدقي والعجوزة ووسط البلد وارتفاع أسعار الشقق والبيوت فيها. كمان حي الزمالك معروف بانتشار عدد كبير من سفارات الدول المختلفة فيه، بأهم البزارت وأتيليهات أكبر مصممي الأزياء بالإضافة إلى وجود عدد من أهم معالم مصر السياحية به. وكل ده هنتكلم عنه بالتفصيل:
فندق الماريوت
وده كان القصر اللي بناه الخديوي إسماعيل علشان يستقبل فيه ضيوف حفل افتتاح قناة السويس وخاصة ضيفة شرف الحفل الإمبراطورة أوجيني زوجة الإمبراطور نابليون الثالث. وكلف بناء القصر في الوقت ده 750,000 جنيه لأنه جاب ديكورات وإكسسوارات القصر كلها من باريس. وفي عام 1879 اتباع القصر للحكومة المصرية لتسديد جزء من ديون الخديوي إسماعيل لمصر، حولته الكومة إلى “فندق قصر الجزيرة” لكن بعد تدهور حركة السياحة في مصر بعد الحرب العالمية الأولى قامت الحكومة ببيع القصر لثري لبناني الأمير حبيب لطف الله سنة 1919 وبقى السكن الخاص به. وفي سنة 1962 تم تأميم القصر واتحول إلى فندق باسم عمر الخيام وفي بداية السبعينيات تولت شركة ماريوت العالمية إدارة الفندق.
أهم شوارع حي الزمالك:
وعلشان في ناس كتير بيدور على شقق مفروشة للايجار في الزمالك، جمعنا لكم معلومات بأهم وأكثر الشوارع شهرة في حي الزمالك:
شارع أبو الفدا
من أشهر شوارع زمالك وأكتر الأماكن السياحية هناك، فيه مجموعة من أشهر مطاعم وكافيهات القاهرة مثل: Sequoia و Left Bank وClub 33 و فندق أم كلثوم … إلخ، بالإضافة إلى مبنى أبو الفدا الإداري اللي فيه مجموعة من أكبر الشركات العالمية والحكومية في مصر وكمان سفارات الدول.
شارع الجبلاية (أم كلثوم سابقًا)
اللي فيه اتحاد الكورة والنادي الأهلي
شارع 26 يوليو
شارع تجاري وأكتر شوارع الزمالك زحمة فيه محلات أكل وملابس وكافيهات زي: Zooba و Mr Wok وChick Shack وغيرهم.
شارع حسن باشا صبري
اللي فيه مكتبة الشروق وسفارة هولندا وألمانيا والبرتغال.
المصدر بروبرتيفايندر
No comments:
Post a Comment
نسعد بسماع رأيكم في خدماتنا
وللطلب نرجو الاتصال أو إريسال رسالة على الرقم: 00201027179371