شارع شهاب المهندسين

هو شارع شهاب كان تايه عننا فين؟

اكتشفنا هناك مكانين في مكان واحد 😵بتدخل هتحس انك دخلت عالم ديزني للحلويات 😍هتدخل جوة شوية هتلاقى سلم بسور ورد هتطلع فوق تلاقى مكان تاني خالص كلاسيك هادي بديكور تحفة و موسيقى هادية رايقة 😍هتقعد هتلاقى الناس هناك بتستقبلك بـwelcome Drink في كاس صغير كدة ☺️

المكان Rocca Ricci :

زي ما قولنا المكان كلاسي جدا مناسب للقعدات الهادية بعيد عن اي دوشة لو عايز تقعد في هدوء و مناسب جدا للـCouples عندهم هناك كل اللي تتمناه بس تطلب انت .. الاكل حلو جداا جربنا الـGrilled Chicken ده بينزل و هو مولع معاه خضار و مشروم و صوص مظبوط جدا و الفراخ طرية و الخضار لذيذ 😋جربنا كمان طاجن كدة عبارة عن وايت صوص و جبنة غرقان فيهم سجق و خضار و تحت خالص عيش توست حاجة لغوصة يعني 😍 و جربنا كمان الـPizza العجينة بتاعتها مش تخينة و طعمها جميل جدا 🍕👌 و في مشروب هناك مينفعش منتكلمش عليه و ده اسمه Rocca Ricci و ده معمول بميكس حاجات كتير مش هتعرف توصلها بس الناتج في الاخر حاجة لذيذة جدا و هو طعمه قهوة بالكريمة بس مش هتلاقيه في اي حتة ✋ عندك بقى لسة الحلويات و ده التخصص كله 😍👏 اشمعنا ؟ مش قولنا ان في عالم ديزني للحلويات 😂المكان ده اسمه Adly Sweet المكان ده بقاله 48 سنة بيعمل حلويات بكل الانواع و الاشكال مفيش حاجة مش هتلاقيها 😉👌 جربنا التشيز كيك بالليمون و التوت تحفة كريمي جدا و الـTaste متظبط مش عايزة كلام و كلنا كمان الكراميل تارت و مارس و الاكلير بالفراولة كله طعمه فريش و متفنشة بمزاج 😋و في بقى الاختراع هناك الـRainbow Cake و دي من برة ملونة بتيجي تفتحها تلاقى كل طبقة لون 😍 معمولة بقى طبقة Red velvet و Green velvet و Blue velvet و .. و .. 👌 و في هناك حاجة اختراع كدة شيكولاتة جواها تشيز كيك و حلوة جدا 😋 و عندهم الـIce Cream حاجة معمولة باحتراف و الطعم طبيعي جدا و عاملين اطعمة جديدة بميكسات مختلفة 🍨

الناس دي تخصص اختراعات دول كمان عاملين جاتوه وتورتة بالحرنكش من جوة حرنكش وعالوش حرنكششش 😍😍

و طبعا مش محتاجة تفكير المكان فوق بيعمل اعياد ميلاد و بتتكلم تحجز قبلها 👏

العنوان: 37 شارع شهاب المهندسين

المصدر: Remood Places